Aprè plizyè eskandal nan tèt peyi Angletè, premye minis Boris Johnson, chèf pati konsèvatè yo, bay demisyon li jodi 7 Jiyè 2022 a.
Pati politik konsèvatè a gen pou misyon pou li nome yon nouvo chèf nan tèt pati politik sila ki pou otomatikman devni premye minis, san yon vòt popilè.
Se te aprè anpil presyon ak rebelyon premye minis la te oblije bay demisyon l. Boris Johnson kite pouvwa a aprè plizyè minis nan kabinè li a te deside bay demisyon yo youn aprè lòt pou fason misye t ap jere kriz ekonomik peyi a ak lòt akizasyon li genyen kont li dèske li pwomote yon manb kabinè li ki te gen chaj abi seksyèl sou do l.
Sou Boris Johnson, peyi Angletè ofisyèlman negosye epi retire tèt li nan Inyon Ewopeyen. Tonbe Boris Johnson lan ajoute sou frap peyi loksidan yo ap pran nan moman an pandan y ap mennen yon lit global pou yo kenbe enfliyans yo nan mond lan kont Wisi ak peyi Chin.
